*साने गुरुजी विद्यालयाचे वार्षिक स्नेह संमेलन उत्साहात साजरे.*

*साने गुरुजी विद्यालयाचे वार्षिक स्नेह संमेलन उत्साहात साजरे.* 

उदगीर / प्रतिनिधी : 

येथील साने गुरुजी विद्यालयात 2025-26 चे वार्षिक स्नेह संमेलन उत्साहात साजरे करण्यात आले. सायं. 05:00 वाजता नव समाज शिक्षण प्रसारक मंडळ, उदगीरचे सचिव तथा नगर परिषदेचे नव निर्वाचित नगरसेवक मनोजदादा पुदाले साहेब यांच्या हस्ते उदघाटन करण्यात आले. कार्यक्रमाच्या अध्यक्षस्थानी संस्थाध्यक्ष बापूसाहेब कज्जेवाड तर प्रमुख पाहुणे म्हणून संस्थेचे कोषाध्यक्ष ऍड. उन्मेष हिबारे, शालेय समिती अध्यक्ष अमोल बागबंदे तसेच व्यासपीठावर प्राथमिक विभागाचे मुख्याध्यापक संजीव मुसने व माध्यमिक विभागाचे मुख्याध्यापक सुशांत कोंडेकर उपस्थित होते.

प्रारंभी मान्यवरांच्या हस्ते साने गुरुजींच्या प्रतिमेचे पूजन करण्यात आले.शाळेच्या वतीने व्यासपीठावरील सर्व मान्यवरांचे पुष्पगुच्छ देऊन व विद्यार्थ्यांच्या शब्दसुमनाने स्वागत करण्यात आले.

यावेळी प्राथमिक विभागाचे मुख्याध्यापक संजीव मुसने यांनी कार्यक्रमाचे प्रास्ताविक केले. व्यासपीठावरील मान्यवरांच्या मनोगतानंतर बालवर्ग ते 10 वी पर्यंतच्या विद्यार्थ्यांनी अतिशय उत्कृष्ट प्रकारचे नृत्य सादर करून प्रेक्षकांची मने जिंकली. यात देशभक्ती,भक्तीगीत, समाजप्रबोधनपर, लोकगीते अशा विविध प्रकारच्या मराठी व हिंदी गीतावर विद्यार्थ्यांनी आपली नृत्यकला सादर केली.

कार्यक्रमाचे संचलन शालिनी मोगले, शिवकांत सोनटक्के, दीपक सोनकांबळे व देविदास खिंडे यांनी केले तर आभार दीपक सोनकांबळे यांनी मानले. कार्यक्रमाची सांगता राष्ट्रगीताने झाली. कार्यक्रम यशस्वीतेसाठी शाळेतील सर्व शिक्षकवृंद व शिक्षकेतर कर्मचारी यांनी परिश्रम घेतले.