लोकवैभव

आ. बस्वराजजी पाटील यांच्या पारिवारिक सत्काराचे आयोजन*  ------------------------------------ उदगीर / प्रतिनिधी : माजी राज्यमंत्री तथा विधान परिषद सदस्य आ. बस्वराजजी पाटील मुरूमकर यांच्या पारिवारिक सत्काराचे आयोजन करण्यात आले आहे.      या कार्यक्रमाच्या अध्यक्षस्थानी राज्याचे माजी मंत्री आ. संजयजी बनसोडे हे राहणार असून या कार्यक्रमास प्रमुख पाहुणे म्हणून औसाचे आ. अभिमन्यू पवार, मुरूमचे नगराध्यक्ष श्री. बापूरावजी पाटील, उमरगा जनता बँकेचे चेअरमन श्री. शरणजी पाटील व उदगीरच्या नगरध्यक्षा सौ. स्वाती हुडे यांची उपस्थिती राहणार आहे. सोमवारी दि. 10 ऑगस्ट रोजी सकाळी 11वा. येथील यशवंत दाल मिल, बिदर रोड या ठिकाणी संपन्न होणाऱ्या या पारिवारिक सत्कार सोहळ्यास मोठ्या संख्येने उपस्थित राहावे असे आवाहन कार्यक्रमाचे आयोजक श्री. दिगंबरराव यशवंतराव बिरादार माळेवाडीकर, मधुमेह तज्ञ तथा उदगीर नगर परिषदेचे स्वीकृत नगरसेवक डॉ. बालाजी बिरादार, युवा उद्योजक श्री.दत्ता बिरादार यांनी केले आहे.

डोळस आणि चिंतनशील कवी : शंकर बोईनवाड ------------------‐-‐------------------ कवी आणि साहित्यिक हे समाजाचे जागृत डोळे असतात. आपल्या लेखणीच्या सामर्थ्याने ते समाजातील भावना, विचार, संस्कृती आणि जीवनमूल्ये यांचे जतन करतात. त्यांच्या शब्दांतून माणसाच्या सुख-दुःखाचे, आशा-आकांक्षांचे आणि संघर्षांचे चित्र जिवंत होते. कवीच्या संवेदनशील मनाला निसर्ग, माणुसकी आणि जीवनातील विविध अनुभवांची सुंदर जाण असते. तो आपल्या कवितांमधून समाजाला विचार करायला लावतो, तर साहित्यिक आपल्या कथा, कादंबऱ्या, निबंध आणि लेखांच्या माध्यमातून समाजाला दिशा देतो. त्यांच्या साहित्यकृती केवळ मनोरंजन करत नाहीत, तर वाचकांच्या मनात संस्कार, प्रेरणा आणि सकारात्मक विचार मांडतात अशा नामावलीत शंकर बोईनवाड यांचे नाव अग्रक्रमावर घ्यावे लागेल. बोईनवाड हे केवळ एक व्यक्तिमत्त्व नसून स्वतंत्र विचारांची एक समृद्ध संस्कृती आहे. त्यांनी नायगावमध्ये साहित्याचे नवे आयाम निर्माण केले. विविध सांस्कृतिक चळवळींमध्ये सक्रिय सहभाग घेऊन नायगावच्या साहित्यिक वातावरणाला समृद्ध करण्यासाठी त्यांनी केलेले योगदान अत्यंत प्रशंसनीय आहे. दैन...

महात्मा पब्लिक स्कूलची यशस्वी वाटचाल; दहाव्या वर्षात पदार्पण उदगीर : नाईक चौक, देगलूर रोड येथील ए-मार्टच्या शेजारी स्थित महात्मा पब्लिक स्कूलने यशस्वी शैक्षणिक वाटचालीची नऊ वर्षे पूर्ण करून आता दहाव्या वर्षात पदार्पण केले आहे. गुणवत्तापूर्ण शिक्षण, संस्कारमूल्ये आणि विद्यार्थ्यांच्या सर्वांगीण विकासाला प्राधान्य देत शाळेने अल्पावधीतच पालकांचा विश्वास संपादन केला आहे. सन २०१७ मध्ये स्वामी विवेकानंद ग्रामसेवा प्रतिष्ठान, उदगीर अंतर्गत संचालक दीपक पाटील नेत्रगावे व सौ. संगीता नेत्रगावे यांनी महात्मा पब्लिक स्कूलची स्थापना केली. सुरुवातीला प्ले ग्रुप, नर्सरी, एलकेजी व यूकेजीच्या अवघ्या ३० विद्यार्थ्यांसह आणि सहा शिक्षकांच्या सहकार्याने सुरू झालेली ही शाळा आज ११० विद्यार्थ्यांपर्यंत पोहोचली असून सात शिक्षक विद्यार्थ्यांना ज्ञानदानाचे कार्य करीत आहेत. शाळेत विद्यार्थ्यांना दर्जेदार शिक्षणासोबतच शिस्त, संस्कार, आत्मविश्वास आणि स्पर्धात्मकतेचे धडे दिले जातात. लहान वयापासून विद्यार्थ्यांमध्ये बौद्धिक विकास घडावा यासाठी विविध उपक्रम राबविले जातात. नियमित अभ्यासक्रमासोबतच विविध स्पर्ध...

*निळकंठ इंग्लिश स्कूलचे 11 व्या वर्षात यशस्वी पदार्पण* ---------------------------------------      उदगीर येथील भगीरथी मंगल कार्यालयाजवळ, डॅम रोड वर स्थित असलेले निळकंठ इंग्लिश स्कूल हे दहा वर्षे पूर्ण करून अकराव्या वर्षात पदार्पण करीत आहे. श्रीमती नीलम्मा मेमोरियल शैक्षणिक संस्था संचलित निळकंठ इंग्लिश स्कूल ही नर्सरी ते आठवी पर्यंत चालणारी शाळा विविध गुणवता व विविध उपक्रमाच्या माध्यमातून विद्यार्थ्यांचा परिपूर्ण विकास साधत आहे. या शाळेचा थोडक्यात आढावा घेणारा हा लेख...        2016 मध्ये संस्थेचे अध्यक्ष श्री. बस्वराज कंटय्या स्वामी आणि सचिव श्री. दिनेश शांतवीर स्वामी यांनी सुरुवातीच्या काळात श्री. माणिक तेलंग, संत कबीर नगर येथे निळकंठ इंग्लिश स्कूलची सुरुवात केली. शाळेच्या प्राचार्या सौ. जयश्री बस्वराज स्वामी यांचेही शाळेसाठी मोठे योगदान आहे. सुरुवातीच्या काळात 45 विद्यार्थी संख्येपासून सुरु झालेली ही शाळा आणि चार शिक्षक शिकवणीला होते. दहा वर्षामध्ये शाळेचा आलेख वाढत गेला आणि आजघडीला या शाळेत 300 पेक्षा जास्त विद्यार्थी शिक्षण घेतात तर त...

*न्यायप्रिय, तत्वनिष्ठ आणि सामाजिक जाण व भान असणारे एक संयमी संघर्षशील व्यक्तिमत्व : प्राचार्य एकनाथ पाटोदेकर* ---------------------------------------     माणसाच्या जीवनात त्याला वेळोवेळी संघर्ष करावा लागतो. दुःखाच्या, अडचणीच्या तसेच उणीवांच्या झळा सोसून देखील आपल्या विचाराशी व तत्वाशी कधीही तडजोड न करता संकटाशी दोन हात करण्याची जिद्द बाळगून जीवनात संघर्ष करावा लागतो. ही शिकवण अंगीकारूण, आपण नेहमीच इतराच्या कामी यावे. संकटकाळी, गरजेच्यावेळी इतरांसाठी धावून जावे. असा वसा घेवून जीवन जगणारी माणसं दुर्मिळच... काही माणसं अशीच भावना उराशी बाळगून जीवन जगत असतात. त्यापैकीच प्राचार्य एकनाथ पाटोदेकर हे एक नाव...        प्राचार्य एकनाथ दत्तराम पाटोदेकर हे माध्यमिक आश्रमशाळा व उच्च माध्यमिक विदयालय कुंटूर तांडा येथे जवळपास 32 वर्षे सेवा करून सेवानिवृत्त झाले आहेत. धर्माबाद तालुक्यातील पाटोदा (थडी ) सारख्या लहानशा खेड्यात त्यांचा जन्म दि. 1 जून 1965 रोजी झाला.. गावातच प्राथमिक शिक्षण संपल्यानंतर माध्यमिक शिक्षणासाठी त्यांनी कुंडलवाडी येथे पायी येणे - जाणे कर...

*ग्रामीण भागात शिक्षणाचा विस्तार करणारे : प्राचार्य मनोहर पवार* ----------------------------------------       सोमठाणा ता. नायगाव जि. नांदेड या छोट्याशा गावात अतिशय गरीब कुटुंबात सामाजिक अस्तित्व नाकारलेल्या समाजात जन्माला आलेले मनोहर पवार यांनी पराकोटीची जिद्द,चिकाटी व अपार मेहनतीच्या बळावर अगदी वयाच्या 24 व्या वर्षी आपल्या गावात अतिशय प्रतिकूल परिस्थितीमध्ये शैक्षणिक संस्था सुरु करून शैक्षणिक चळवळ वाढीस नेली. परिणामी ग्रामीण भागातील विद्यार्थी शिकून सवरून आपल्या पायावर उभी राहिली.ग्रामीण भागात शिक्षणाचा विस्तार करणारे प्राचार्य मनोहर पवार यांचा आज 62 वा वाढदिवस. त्यानिमित्ताने त्यांचा थोडक्यात परिचय देणारा हा लेख...        मनोहर कलावतीबाई पुंडलिकराव पवार यांचा जन्म दि. 1 जून 1964 रोजी सोमठाणा ता. नायगाव येथे एका गरीब कुटुंबात झाला. घरची परिस्थिती अतिशय हलाखीची असतानाही केवळ जिद्द चिकाटीने त्यांनी शिक्षण घेतले. त्यांचे प्राथमिक शिक्षण जिल्हा परिषद प्राथमिक शाळा सोमठाणा, माध्यमिक शिक्षण यशवंत हायस्कूल उमरी व महाविद्यालयीन शिक्षण नांदेड य...

*टी. एस. कल्लूरकर ( दादा ) एक* *आधारस्तंभ*  --------------------------------------           बालाघाट पर्वतरांगेच्या पायथ्याशी वसलेल्या कल्लूर ता. उदगीर जि. लातूर येथील एका सामान्य कुटुंबातील पिता संग्रामबाबा व माता द्रौपदाबाई यांच्या पोटी दि. 01: 06: 1947 रोजी एक पुत्ररत्न जन्मास आले.त्या पुत्राचे नाव तुकाराम असे ठेवण्यात आले. वडिलांना बाबा तर आईला माय असे म्हणत असत. गाव लहान असल्याने कल्लूर येथे दुसरीपर्यंतच शाळा होती. तीही विठ्ठल रुक्मिणी मंदिरात भरत असे. वडिलांचा सुतारकीचा व्यवसाय होता. म्हणून पंचक्रोशीत बाबांना संग्रामबाबा या नावानेच ओळखले जात असे. माय पहाटे लवकर उठून जात्यावर दळण दळत असे. माय ज्वारी दळत असताना स्वतःच रचलेल्या ओव्या म्हणत असे. मायने अनेक ओव्या रचलेल्या होत्या पण कोणीही या ओव्यांचा संग्रह करून ठेवले नाही. याची खंत प्रत्येकांना वाटते.अशा कठीण प्रसंगी त्यांनी आपल्या दोन मुलांना व एका मुलीला शिक्षण दिले. माय व बाबा अशिक्षित होते पण आपल्या मुलांनी खूप शिकून मोठी सरकारी नोकरी करावी असे वाटे. बाबा म्हणत, " तुला काय पाहिजे ते माग पण...