*तळेगावच्या ग्रामदैवत महादेवाच्या साक्षीने उषाताई संभाजी पाटील यांची ऐतिहासिक निवड – तालुक्याच्या विकासासाठी नवे पर्व*
----------------------
*देवणी* तालुक्यातील तळेगाव हे धार्मिक, सामाजिक आणि राजकीय दृष्ट्या महत्त्वाचे गाव म्हणून ओळखले जाते. या गावाचे जज्वल ग्रामदैवत असलेले महादेव मंदिर हे केवळ श्रद्धेचे केंद्र नसून गावाच्या एकात्मतेचे प्रतीक मानले जाते. विशेषतः सोमवार हा महादेवाचा पवित्र दिवस असल्याने या दिवशी मंदिरात मोठ्या भक्तिभावाने पूजा-अर्चा केली जाते आणि गावातील अनेक महत्त्वाचे निर्णयही या दिवशी घेण्याची परंपरा आहे. अशाच पवित्र सोमवारी तालुक्याच्या राजकीय आणि सामाजिक क्षेत्रासाठी अभिमानास्पद ठरलेली घटना घडली – उषाताई संभाजी पाटील यांची जिल्हा परिषद अध्यक्षपदी निवड. उषाताई पाटील यांची ही निवड केवळ एका पदाची प्राप्ती नसून तालुक्यातील जनतेने विकास, पारदर्शकता आणि प्रामाणिक नेतृत्वावर दाखवलेल्या विश्वासाचे प्रतीक मानली जात आहे. महादेवाच्या आशीर्वादाने तळेगावच्या मातीतून उभे राहिलेले हे नेतृत्व आज संपूर्ण जिल्ह्यासाठी प्रेरणादायी ठरत आहे. त्यांच्या नेतृत्वाखाली ग्रामीण विकास, महिला सक्षमीकरण, शिक्षण, आरोग्य आणि पायाभूत सुविधा या क्षेत्रात नवी गती मिळेल, अशी अपेक्षा नागरिकांमध्ये व्यक्त होत आहे. तळेगाव आणि परिसरातील सामाजिक व राजकीय घडामोडींमध्ये अनेक नेत्यांचे योगदान महत्त्वाचे राहिले आहे. जिल्हा मध्यवर्ती बँकेचे संचालक भगवान पाटील यांनी ग्रामीण अर्थव्यवस्थेला बळकटी देण्यासाठी सातत्याने प्रयत्न केले. शेतकऱ्यांना बँकिंग सेवा, कर्ज सुविधा आणि आर्थिक स्थैर्य मिळवून देण्यासाठी त्यांनी महत्त्वाची भूमिका बजावली. त्यांच्या कामामुळे ग्रामीण भागातील शेतकरी आणि सामान्य नागरिकांना आर्थिक पाठबळ मिळाले. तालुक्याच्या विकासात माजी पंचायत समिती सभापती शंकरराव पाटील यांचे कार्य विशेष उल्लेखनीय मानले जाते. त्यांच्या कार्यकाळात अनेक गावांमध्ये रस्ते, पाणीपुरवठा योजना, शिक्षण व ग्रामविकासाच्या विविध योजना राबवण्यात आल्या. तालुक्यातील सर्वसामान्य नागरिकांच्या अडचणी समजून घेऊन त्या सोडवण्यासाठी त्यांनी सातत्याने प्रयत्न केले. गावोगावी विकासकामे पोहोचवून त्यांनी तालुक्याच्या प्रगतीला दिशा दिली.
तळेगावच्या नेतृत्वात आणखी एक महत्त्वाचे नाव म्हणजे सदाशिव पाटील तळेगावकर. ते सध्या सरपंच तसेच कृषी उत्पन्न बाजार समिती सभापती पदाची जबाबदारी सांभाळत असून त्यांनी ग्रामीण विकास आणि शेतकरी हितासाठी विविध उपक्रम राबवले आहेत. शेतकऱ्यांना बाजारपेठ उपलब्ध करून देणे, शेतीसंबंधित सुविधा वाढवणे आणि ग्रामविकासाच्या योजनांना चालना देणे या क्षेत्रात त्यांनी सक्रिय भूमिका बजावली आहे. तसेच पक्ष संघटन मजबूत करण्यासाठी त्यांनी कार्यकर्त्यांना एकत्र आणून तालुक्यात मजबूत संघटन उभारण्याचे काम केले आहे. तालुक्यात संघटन बळकट करण्यासाठी या सर्व नेत्यांनी मिळून सातत्याने प्रयत्न केले. कार्यकर्त्यांशी सतत संपर्क, विकासकामांवर भर आणि जनतेच्या प्रश्नांवर ठाम भूमिका यामुळे तालुक्यात राजकीय आणि सामाजिक वातावरणात सकारात्मक बदल दिसून येत आहेत. गावोगावी कार्यकर्त्यांचे जाळे उभे करून विकासाच्या कामांना गती देण्याचे काम या नेतृत्वाने केले आहे. या सर्व घडामोडींमध्ये तळेगावच्या महादेव मंदिराची प्रेरणा आणि आशीर्वाद असल्याची भावना ग्रामस्थ व्यक्त करतात. गावाच्या श्रद्धास्थान असलेल्या या मंदिरामुळे गावातील एकात्मता आणि सकारात्मक ऊर्जा कायम राहिली आहे. महादेवाच्या कृपेने गाव आणि तालुक्याचा विकास अधिक वेगाने व्हावा, तसेच सामाजिक ऐक्य आणि विकासाची परंपरा पुढेही कायम राहावी, अशी भावना ग्रामस्थांनी व्यक्त केली. उषाताई संभाजी पाटील यांच्या नेतृत्वाखाली तळेगाव आणि देवणी तालुक्याचा विकास अधिक वेगाने होईल, अशी अपेक्षा व्यक्त होत असून त्यांच्या निवडीमुळे संपूर्ण परिसरात उत्साहाचे वातावरण निर्माण झाले आहे. महादेवाच्या साक्षीने घडलेली ही ऐतिहासिक निवड तळेगावच्या इतिहासात महत्त्वाचा टप्पा म्हणून कायम स्मरणात राहील.
*दयानंद कांबळे नागराळकर*
7887827886
टिप्पण्या
टिप्पणी पोस्ट करा