*देवणीत सेवाकुंड ट्रस्ट च्या वतीने इफ्तार पार्टी संपन्न ; सामाजिक एकात्मतेचा संदेश* *देविदास पतंगे यांचा उपक्रम; मान्यवरांची उपस्थिती*
*देविदास पतंगे यांचा उपक्रम; मान्यवरांची उपस्थिती*
----------------------
*देवणी*: शहरातील जमा मस्जिद येथे रमजान ईदच्या निमित्ताने दि. १७ मार्च २०२६ रोजी सेवाकुंड सामाजिक ट्रस्टच्या वतीने इफ्तार पार्टीचे आयोजन करण्यात आले होते. या कार्यक्रमाला शहरातील विविध क्षेत्रातील मान्यवरांनी उपस्थित राहून सामाजिक ऐक्य व बंधुभावाचा संदेश दिला. या इफ्तार पार्टीचे आयोजन माजी सरपंच देविदास पतंगे यांच्या पुढाकारातून करण्यात आले होते.
या उपक्रमासाठी राजेंद्र संगेकर व पप्पू सूर्यवंशी यांनी संयोजक म्हणून महत्वपूर्ण जबाबदारी पार पाडली. कार्यक्रमास अभय साळुंखे (जिल्हाध्यक्ष, काँग्रेस), नागेश जीवने (माजी बांधकाम सभापती, जि.प. लातूर), अजित माने (माजी सभापती, पंचायत समिती निलंगा), वैजनाथ लुले, बळीराम बिरादार, सोमनाथ लुल्ले, अमरनाथ मुर्के, सुनिल चिद्रेवार, रेवण मळभागे यांसह अनेक मान्यवरांची उपस्थिती होती. या कार्यक्रमाचे विशेष आकर्षण म्हणजे सेवाकुंड ट्रस्टचा सामाजिक उपक्रम. डॉ. अनिलकुमार गायकवाड यांच्या मार्गदर्शनाखाली कार्यरत असलेला हा ट्रस्ट सामाजिक, शैक्षणिक, राजकीय व सांस्कृतिक क्षेत्रात सातत्याने कार्यरत असून समाजातील विविध घटकांना एकत्र आणण्याचे कार्य करीत आहे. ट्रस्टच्या माध्यमातून गरजू घटकांना मदत, सामाजिक सलोखा वाढविणे तसेच विविध जनजागृती उपक्रम राबविले जातात. इफ्तार पार्टीच्या माध्यमातून सर्व धर्मीय समाजातील नागरिक एकत्र आले आणि बंधुभावाची भावना अधिक दृढ झाली. उपस्थित मान्यवरांनी अशा उपक्रमांचे कौतुक करत सामाजिक एकात्मता टिकवण्यासाठी अशा कार्यक्रमांची गरज असल्याचे मत व्यक्त केले. कार्यक्रम यशस्वी करण्यासाठी सर्व संयोजक व कार्यकर्त्यांनी परिश्रम घेतले. शेवटी उपस्थितांना इफ्तारचे वाटप करण्यात आले व सर्वांनी एकात्मतेचा संदेश देत कार्यक्रमाचा समारोप करण्यात आला.
*गिरीधर गायकवाड*
टिप्पण्या
टिप्पणी पोस्ट करा